ദുരൂഹം

പിറകേ വരുന്നത് നിഴലോ,
ആരയച്ച ചാരൻ?
തിരിഞ്ഞു നോക്കിയാൽ
അകലും വലിയുമൊളിക്കും.
ഓട്ടക്കണ്ണിൽ കണ്ടൊരു
മാൻഡ്രേക്ക് തൊപ്പി വിളുംബും
കറുത്ത കോട്ടിൻ തുംബും
ഒരു നിമിഷമൊരു മിന്നായം.
മുനിഞ്ഞു് കത്തുന്നോ-
രെഡിസൻ ബൾബിന്റെ
ചുളിഞ്ഞ കണ്ണിനും മായൻ.
നടന്നടുത്തോരോട്ടത്തിലും
പിന്നാലെ ത്സടുതിയിലൊരു
നിശ്ശബ്ദ പടിയായി.. നിഴലായി.
തണുത്ത നിലവറ പാർക്കിങ്ങ്-
ലോട്ടിൽ കാറുകളൊരു മറയാക്കി
അറിഞ്ഞന്നറിഞ്ഞിട്ടും
ഗ്രഹ്യമായോരഹങ്കാരമായി.
വിറയേറുമ്പോൾ
കുതറുന്ന കൈകളെ
അടച്ചു പിടിച്ചമർത്തിയൊരു
വിജയ നിശ്വാസ ഭേരിയായി.
ചവിട്ടിത്തെറുപ്പിച്ച ഞെട്ടലിൽ
പിൻ വാങ്ങി.. മറ്റൊരവസര
പ്രതീക്ഷയുമായ്, ആരു നീ?